منى زكى: ما كنتش بتفرج على نفسى زمان علشان ما أركزش فى عيوبى
حلت النجمة منى زكي ضيفة على برنامج Sold Out Interviews مع الإعلامي محمود سعد، عبر منصة watch it الإلكترونية، وتحدثت خلال اللقاء عن العديد من جوانب حياتها الفنية، وكواليس آخر أعمالها.
وأشارت منى زكي خلال اللقاء أنها في بداية حياتها الفنية كانت لا تتفرج على أعمالها حتى لا تهتم بالعيوب فقط، وتشتت تركيزها، قائلة: "كنت زمان بتضايق لما أتفرج على نفسي عشان كنت بشوف عيوبي بس، وعيوب شكلي، فكان كل حاجة تشتت ذهني، دلوقتي بقيت بتفرج على نفسي بعد ما أخلص تصوير".
عند سؤالها عن التحديات التي واجهتها في بداية حياتها، خاصة وأن البطولة المطلقة كانت للشباب وقتها كريم عبد العزيز وأحمد السقا، أوضحت: "كان عندي طموح كبير وصممت على اللي عايزاه، لأن أي حاجة بحبها بفضل وراها لحد ما أعملها وأفضل وراها لحد ما أجيب أخرها واعملها بأحسن شكل، ودا بييجي كمان مع التعليم والتدريب والوقت".
يذكر أن الفنانة منى زكي تألقت بشكل كبير مؤخرا من خلال مسلسها "تحت الوصاية" الذي عرض في السباق الرمضاني الماضي، وهو من تأليف خالد وشيرين دياب، وإخراج محمد شاكر خضير وانتاج ميديا هب سعدى - جوهر، وشارك في بطولته بجوار منى زكى كل من: دياب، أحمد خالد صالح، نهى عابدين، رشدى الشامى، مها نصار، على الطيب، أحمد عبدالحميد، محمد السويسري، وعدد آخر من الفنانين وعُرض على شاشة قناة dmc و dmc دراما ومنصة watch it.
