تعليق صادم من طليقة أيمن بهجت قمر بعد تعاونه مع عمرو دياب
علقت إنجي عبد الحافظ، عبر حسابها الرسمي على موقع التواصل الاجتماعي "فيس بوك"، عن صدمتها من التناول الساخر لخبر طلاقها من الشاعر أيمن بهجت قمر، بعد مشاركته في كلمات أغنية جديدة للهضبة عمرو دياب بإسم "ماعرفش حد بالإسم ده".
طليقة أيمن بهجت قمر: "مش قادرة استوعب انتشار خبر طلاقي أنا وايمن وربط كلام كتبه في أغنية بطلاقه لـ أم أولاده وعشرة عمره.. وانتشار الخبر على كل المواقع.. وفتح باب التريقة والتهريج على social media... ربط فيه إهانة في حق أيمن وإزعاج شديد ليا لأنه ضايق ولادي جدا جدا.. حبة مبادئ واحترام لخصوصيات الناس يا بشر !!!!! حسبي الله ونعم الوكيل في كل حرف مؤذي اتكتب".
وتقول كلمات أغنية "ماعرفش حد بالإسم ده"..
معرفش حد بالاسم ده
انا اللي تاه عقله ولقاه
معرفش حد بالاسم ده
موهم بقي وربك هداه
هعتبره وقت فراغ وفات او حتي انا اتسليت معاه
قولوله مخرجتش يعني من الجنة
مسابليش حاجه تتشال للي كان بنا
مسابليش حاجه هتخليني استني
بقي الاولي اكيد انساه
انا همشي وابعد من سكات
انا حر وده مسموش هروب
ده مشافش اي مميزات
بالعكس حولها لعيوب
جايز ده كان سوء اختيار
جاير ده كان تكفير ذنوب
قولوله مخرجتش يعني من الجنة
مسابليش حاجه تتشال للي كان بنا
مسابليش حاجه هتخليني استني
بقي الأولى أكيد أنساه
وكان المؤلف أيمن بهجت قمر علق على ربط عدد من الأخبار والمتابعين بين كلمات أغنية "معرفش حد بالاسم ده" والتي كتبها وتم طرحها في ألبوم عمرو دياب الجديد "مكانك" بين أنباء انفصاله عن زوجته إنجي عبد الحافظ بعد زواج دام 20 عام.
وطالب أيمن بهجت قمر متابعيه بعدم الربط بين حياته الشخصية والأغاني التي يقوم بكتابتها موضحًا عبر صفحته الشخصية على فيسبوك قائلاً: "فيه خبر نازل فيه تلميحات بسبب أغنية معرفش حد بالإسم ده".
وتابع قائلاً: "ياريت محدش يربط بين حياتي الشخصية والأغاني اللي بكتبها عشان فعلاً الموضوع ده بقى بيضايقني من القريب والغريب وكل الاحترام لكل الناس".
واختتم حديثه ساخرًا : "وبالنسبة لأغنية المعنويات مرتفعه فيها جملة بتقول : مافيش خلاص حد له حاجه عندي .. حبيت اوضح برضه ان دي طبعا مالهاش علاقه بالناس اللي ليهم عندي فلوس.. سنة سعيدة على الكل".
