مريم فخر الدين فى لقاء قديم عن ابنتها: بتعمل الولا حاجة وجوزها مبسوط
يبحث عدد كبير من المتابعين عن اخبار الفنانة الراحلة مريم فخر الدين عبر محرك البحث جوجل، بسبب انتشار فيديو لها على مواقع التواصل الاجتماعي تتحدث خلاله عن ابنتها.
وتحدثت مريم فخر الدين عن ابنتها في أحد البرامج القديمة باسم «سواريه»، من تقديم مدحت جمال، حيث قدمت الفنانة مثال على التعامل مع ابنتها بالقول: «أنها اعتادت التعامل مع أبنائها عكس معاملة أسرتها التي كانت تفرض عليها الكثير من القيود».
مريم فخر الدين عن ابنتها: عايزة تطلع الولا حاجة
وظهرت مريم فخر الجديد فى المقطع وهي تقول إنها تعلمت من قيود أسرتها ألا تفعل ذلك مع أبنائها: «الحتة دي علمتني إني مقفش قدام عيالي في أي حاجة ابدا، يعني جات بنتي بعد ما خلصت ثانوية عامة، بقولها عايزة تطلعي إيه يا إيمان قالتلي ولا حاجة، قولتلها مش ممكن في بني آدم يطلع ولا حاجة كده في الدنيا» .
الفنانة مريم فخر الدين تتحدث عن ابنتها
واستكملت مريم فخر الدين حديثها عن ابنتها قائلة: «قولتلها طيب اطبخيلك طابخة، اعمليلك فنجان قهوة، قالتلي لأ معملش قهوة بالكتير بالكتير اعمل شاي، طبعا أنا كنت محطمة من الحتة دي طيب تعالي مثلي، ده انتي ابوكي محمود ذو الفقار وعمك عز الدين ذو الفقار ومرات عمك فاتن حمامة وعمك صلاح ذو الفقار ومرات عمك شادية، وخالك يوسف فخر الدين» .
وتابعت: «طيب ده بؤرة فن وبتكره السينما خالص، عايزة تعملي إيه تقولي ولا حاجة، بس اتضح أن كلمة ولا حاجة دي لها طريق عظيم جدا، وهي ناجحة اكتر مني لأنها بتركب عربية مرسيدس مش دافعة تمنها وبدلدل شعرها من الشباك ومتعملش حاجة، وساكنة في بيت احسن من بيتي، وجوزها مبسوط منها لأنها واحدة معملتش ولا حاجة فعلى طول مبتسمة هتزعل ليه في إيمان دي صنعتها ولا حاجة».
