بوابة الدولة
الثلاثاء 22 أبريل 2025 09:49 مـ 23 شوال 1446 هـ
رئيس مجلس الإدارة ورئيس التحريرصالح شلبي
مستشار التحريرمحمود نفادي
بوابة الدولة الاخبارية

توفيق عبدالحميد: ”أتمنى دايما أقدم حاجة تبقى مفيدة للناس تثري وجدانهم وتخاطب عقولهم”

الفنان توفيق عبدالحميد
الفنان توفيق عبدالحميد

كشف الفنان توفيق عبدالحميد، عن سبب غيابه الفترة الماضية عن الساحة الفنية، وذلك تزامنا مع احتفاله بذكرى ميلاده، قائلا: «هي ظروف جت مع بعضها لكن إن شاء الله أتعافى صحيا، وأبقى موجود الفترة الجاية وأرجع للفن والحاجة اللي اديتلها عمري كله وبستمتع بيها وأتمنى دايما أقدم حاجة تبقى مفيدة للناس تثري وجدانهم وتخاطب عقولهم».

دي رسالة أنا أتمنى إني أقدمها

وأبدى «عبدالحميد» إعجابه وتقديره بحديث الإعلامية داليا أشرف، مقدمة برنامج «8 الصبح»، المذاع على شاشة قناة «dmc»، اليوم السبت، عن تربية الأطفال، قائلا: «أنا لو ليا فرصة إني أقدم عمل هخاطب فيه الأهالي بكيفية تربية أبنائنا وإزاي يبقوا في حضننا وإزاي يبقوا تحت رعايتنا، وفي نفس الوقت يبقى ليهم حريتهم واستقلالهم دون عنف أو إيذاء بدني أو لفظي، دي رسالة أنا أتمنى إني أقدمها».

العنف والشدة مش الأسلوب الأمثل للتربية

وأضاف الفنان توفيق عبدالحميد: «المشكلة كلها أساسها الحب، الأهالي لما تربي بعنف أو بشدة هي متخيلة إن ده الأسلوب الأمثل لتربية الأبناء دون وضع أشياء كتيرة بتحصل في الاعتبار أولها التطور الزمني اللي بيحصل واختلاف الأساليب، أنا من الجيل اللي اتربى بشدة وقسوة ورافض ده تماما، وشايف إن مش دايما عواقبه محمودة، فممكن يؤدي لضرر بالغ حتى لو أنت نجحت على المستوى القريب، لكن فيه أشياء نفسية وإنسانية عنده بتدمر وتتشوه، التعامل محتاج قدر كبير من الفهم والاحترام والوعي والتقدير».

الفن له دور مهم في إثراء الوجدان ومخاطبة العقل

وتابع: «الفن له دور مهم جدا، الفن ممكن آه يرفه عننا وممكن يبقى مُسلي في بعض الأحيان، لكن مش ده بس الموضوع، والموضوع الأكبر إزاي تُثري الوجدان وتخاطب العقل وتحل المشاكل وتحط إيدك على العيوب وكيفية معالجتها والتعامل معاها، كمان الفن رسالته أسرع، لأنها مش بتبقى نصيحة بقدر أنك بتقدمها من خلال حدث ودراما وأشخاص وصراع زي اللي حصل في مسلسل (حضرة المتهم أبي)، ودة مسلسل مهم وبعتز إني عملتها».

 

أسعار العملات

متوسط أسعار السوق بالجنيه المصرى22 أبريل 2025

العملة شراء بيع
دولار أمريكى 50.9837 51.0837
يورو 58.5038 58.6237
جنيه إسترلينى 68.1193 68.2734
فرنك سويسرى 62.7492 62.9032
100 ين يابانى 36.3054 36.3870
ريال سعودى 13.5917 13.6191
دينار كويتى 166.7388 167.1478
درهم اماراتى 13.8788 13.9094
اليوان الصينى 6.9708 6.9857

أسعار الذهب

متوسط سعر الذهب اليوم بالصاغة بالجنيه المصري
الوحدة والعيار سعر البيع سعر الشراء بالدولار الأمريكي
سعر ذهب 24 5600 جنيه 5566 جنيه $108.96
سعر ذهب 22 5133 جنيه 5102 جنيه $99.88
سعر ذهب 21 4900 جنيه 4870 جنيه $95.34
سعر ذهب 18 4200 جنيه 4174 جنيه $81.72
سعر ذهب 14 3267 جنيه 3247 جنيه $63.56
سعر ذهب 12 2800 جنيه 2783 جنيه $54.48
سعر الأونصة 174180 جنيه 173113 جنيه $3389.14
الجنيه الذهب 39200 جنيه 38960 جنيه $762.74
الأونصة بالدولار 3389.14 دولار
سعر الذهب بمحلات الصاغة تختلف بين منطقة وأخرى