بعد رسائلها لابنتيها.. طليقة شريف منير توجه رسالة لمنتقديها
وجهت لورا عماد، طليقة الفنان شريف منير، رسالة جديدة لمتابعيها بعد الرسائل الأخيرة التي وجهتها لابنتيها وكشفت من خلالها عن رفضهما لمقابلتها.
وقالت لورا، في منشور عبر صفحتها الشخصية بموقع "إنستجرام": "شكرًا لكل من دعمني نفسيًا وحس بإحساس الأم وبقول للقلة القليلة عديمي الإنسانية إن تعليقاتكم ما كانت سوى شوية تراب في الهوا".
وأضافت: "قررت أشيل البوست لأن مش هسمح إن صفحتي تبقى ساحة لبعض المتطرفين دينيًا وبقولهم روحوا ناقشوا تطرفكم في حتة تانية".
وكانت لورا قالت في رسالتها المثيرة للجدل لابنتيها: "رسالة إلى بناتي (فريدة وكاميليا).. بما إنكم خلاص قررتوا تبقوا مش في حياتي بعد ما اديتكم عمري وصحتي وحبي واهتمامي وضحيت عشانكم كتير!! وكل مدارسكم بمدرسينكم بدكاترتكم بأصحابكم بأمهات أصحابكم يشهدوا بإن أنا كنت أم عاملة إزاي!".
وتابعت: "بقولكم مبروك عليكم عيلتكم الجديدة! وهقولكم حاجة واحدة بس! اللي مالوش خير في أمه ملوش خير في حد! بتمنالكم كل خير وصحة وإن ربنا يهديكم في يوم من الأيام! بس ربنا موجود وكبير قادر على اللي عمل فيكم كده إنه يرده ليه في يوم من الأيام! مامي لورا يمكن تكونوا نسيتوا اسمي".
