بوابة الدولة
الجمعة 4 أبريل 2025 08:38 مـ 5 شوال 1446 هـ
رئيس مجلس الإدارة ورئيس التحريرصالح شلبي
مستشار التحريرمحمود نفادي
بوابة الدولة الاخبارية
وادى دجلة يفوز على سبورتنج بهدف على حسين فى دورى المحترفين وفد لتقديم واجب العزاء فى وفاة الأنبا باخوميوس بكنيسة مارجرجس بكوم حمادة برعايه وزارتي الطيران و الشباب انطلاق فعاليات رالي الطائرات بمشاركة عالمية سعر الذهب اليوم الجمعة 4 أبريل 2025 أبو عبيدة: نصف أسرى العدو يتواجدون فى مناطق طلب جيش الاحتلال إخلاءها الدولية للصليب الأحمر بغزة: المنظومة الطبية انهارت ولا نقدر على تقديم الخدمات استياء في كأس الأمم الأفريقية للناشئين بسبب التحكيم.. ومنتخب مصر يسجل احتجاجه فتح ميناء الغردقة البحري وعودة الأنشطة البحرية بعد تحسن الأحوال الجوية قائمة منتخب مصر لسلاح السيف فى بطولة العالم للشباب والناشئين بالصين نائب محافظ الدقهلية يوجه بحملات نظافة عاجلة ورفع كفاءة مصرف نوسا الغيط بأجا والمنصورة أبرزها الصين وإيطاليا والبرازيل.. قادة العالم يتوعدون بالرد على رسوم ترامب الجمركية الإسماعيلى يفقد أحمد عادل عبد المنعم أمام الاتحاد فى الدورى للإصابة

الشاعرة شيماء غريب تكتب .. بشتري أرض

الشاعرة -شيماء غريب 
الشاعرة -شيماء غريب 

أنا طالبة حتة أرض أزرعها حنية
بالطيبة والجدعنة والحب مروية
فيها الطيور بتسبح الصبح في البدرية
ينزل نخيل البلح بضلته عليا
صوت السواقي يغني أحلاها أغنية

أنا عايزة حتة أرض مفهاش مكان لنفاق
أزرع بقلبي مبادئ تتحسن الأخلاق
يوم الحصاد والجمع تطرح غرام وأشواق
كل الخلايق تشهد بعظمة الرزاق.

أنا عايزة حتة أرض مش داخلة في التقسيم
عشان نكون ايد واحدة والله معين وكريم
لو يوم زرعنا الصبر الجبر يبقي عظيم
وإن ضاقت الدنيا في سماها رب رحيم.

أنا عايزة حتة أرض تورثها أحفادي
تطرح سنابل دهب تنثرها بالوادي
والعندليب في الراديو ما أحلاكي يا بلادي.
والشيخ محمد رفعت ضبطاله أنا ميعادي

أنا عايزة حتة أرض تكون غنية وخصبة

مليانة بالأحباب ويوزعوا محبة

كل الصبايا هناك كل الوجوه شابة

ويرجع اللي مسافر كفاية بقي غربة

أنا عايزة حتة أرض بستانها تفاحي

ضحكتها فلاحي

سهرتها صباحي

تنبتلي أفراحي

فيها النسيم صاحي
أنا عايزة حتة أرض مروية بالتقاليد
أشم فيها الخير اللي جفانا بعيد

نرجع نهني جيرانا ويبقي عيدنا سعيد

الجدة قاعدة تصلي والجد في حجره حفيد

الشمس تسطع تاني ونحس يومنا جديد


أنا عايزة حتة أرض فيها الجميع ناجح

ويرجع التعليم وكأنه امبارح

لا اشوف طالب مهموم ولا معلم سارح

والنسر يرجع تاني ضد العدو جارح

أنا عايزة حتة أرض هفرشها بملامحي

بسماري القمحي

لو طلبت الروح أفديها بجوارحي
أنا عايزة حتة أرض والله أنا شارية

ياأهل الغرام والطيبة دلوني أنا ناوية

مسبش فيها حزين في شبر أو زاوية

الزرع ده لعبتي وتملي ليه غاوية
بس أنتوا جيبوا الأرض... أنا عايزة حتة أرض

ياأهل الأمان والخير دلوني أنا ناوية.

أسعار العملات

متوسط أسعار السوق بالجنيه المصرى03 أبريل 2025

العملة شراء بيع
دولار أمريكى 50.5474 50.6474
يورو 56.0571 56.1731
جنيه إسترلينى 66.5103 66.6723
فرنك سويسرى 58.7829 58.9403
100 ين يابانى 34.6168 34.6876
ريال سعودى 13.4739 13.5013
دينار كويتى 164.3605 164.7392
درهم اماراتى 13.7604 13.7899
اليوان الصينى 6.9257 6.9409

أسعار الذهب

متوسط سعر الذهب اليوم بالصاغة بالجنيه المصري
الوحدة والعيار سعر البيع سعر الشراء بالدولار الأمريكي
سعر ذهب 24 4994 جنيه 4971 جنيه $97.14
سعر ذهب 22 4578 جنيه 4557 جنيه $89.05
سعر ذهب 21 4370 جنيه 4350 جنيه $85.00
سعر ذهب 18 3746 جنيه 3729 جنيه $72.86
سعر ذهب 14 2913 جنيه 2900 جنيه $56.67
سعر ذهب 12 2497 جنيه 2486 جنيه $48.57
سعر الأونصة 155340 جنيه 154629 جنيه $3021.51
الجنيه الذهب 34960 جنيه 34800 جنيه $680.01
الأونصة بالدولار 3021.51 دولار
سعر الذهب بمحلات الصاغة تختلف بين منطقة وأخرى