بوابة الدولة
الجمعة 4 أبريل 2025 04:16 صـ 5 شوال 1446 هـ
رئيس مجلس الإدارة ورئيس التحريرصالح شلبي
مستشار التحريرمحمود نفادي
بوابة الدولة الاخبارية
ياسر جلال يكشف موقفه من تقديم جزء ثالث من مسلسل جودر وعمل يجمعه بشقيقه دياب: استعنا بمتخصصين لتجسيد معاناة واضطراب أسعد فى قلبي ومفتاحه حرس الحدود يواجه إنبى وديا بالإسماعيلية استعدادا للزمالك بالدورى افتتاح الدراسات الدولية للمدربين الاثنين المقبل بحضور رئيس الاتحاد الدولى لليد «تلجراف»: طهران أمرت عسكرييها بمغادرة اليمن.. ووقف دعمها للحوثيين لتجنب الحرب مع الولايات المتحدة تعرف على سيناريوهات تأهل الأهلى والزمالك لنصف نهائي البطولات القارية الصحة الفلسطينية: الاحتلال يواصل ارتكاب المجازر بحق شعبنا في غزة مديرة التعليم بالقاهرة تهنئ الفائزة بالمركز الثاني «جمهورية» في مسابقة القرآن الكريم 1700 قطعة من الخزف الصينى بقيمة 1.2 مليار دولار إلى المتحف البريطانى أطقم الأسنان ظهرت فى العصور القديمة.. اعرف حكايتها ولماذا استخدمت؟ نقيب المهن التمثيلية يكشف موعد ومكان عزاء زوجة نضال الشافعي المستشار محمد سليم يكتب : إذا لم يكن المسجد الأقصى خطًا أحمر، فماذا بقي لنا لنحميه؟

طرائف لغة الأرقام ودلالاتها في مصر

عند التأمل في استخدام الأرقام لدى الشعب المصري نجد كثيرا من الطرائف التي تتعلق بالاستخدام ولا تتعلق بالرقم ذاته، وإنما ما حدث أن الاستخدام الأول صار كالمثل السائر، يستخدمه الإنسان بصورته التي وضع عليها دون تغيير أو تفكير في سبب اختيار ذلك الرقم، فمثلا نجد الرقم ( ١٠ ) يستخدم في استحسان الشيء أو الفعل، فيقال أخلاق فلان ١٠ على ١٠ وفلانه : بتعمل شاي ١٠ على ١٠ وقد يكون ذلك تأثرا بدرجة التعبير في كراسة الابتدائي !. لكن عندما نصف حالة الإنسان أو ما يتعلق به يكون الرقم ١٠٠ ،فيقال صحته ١٠٠ ١٠٠ ،أو انا مبسوط وكله ١٠٠ ١٠٠ ،أو أنا شارب وواكل ١٠٠ ١٠٠ الخ، وطبعا مفيش اطلاقا ٩٠ ٩٠ او ٦٠٠ ٦٠٠ الخ من أوصاف ذاتية .

لكن مع المناسبات العامة أو الخاصة او الاحتفال يظهر الرقم ( ١٠٠٠) ، فيقال في المناسبات السعيدة فقط ١٠٠٠ مبروك، وليس ٩٠٠ مبروك أو ٢٥٠ مبروك، فالأرقام الاقل من ١٠٠٠ محرمة في الاستخدام في المناسبات، كما ان الارقام التي اعلى من الالف يجب ان تكون مضاعفات الالف، فيجوز ١٠٠٠٠٠٠ أي مليون مبروك، او مليار مبروك، لكن لا يجوز مثلا مليون و٦٠٠ مبروك ولا الف ٥٦ مبروك . وفي المجاملات للحاضر لا نزيد عن الالف فنقول ١٠٠٠ نهار أبيض و١٠٠٠ سلامه للمريض و١٠٠٠ اهلا وسهلا ولا يوجد ٤٥ سلامه او ٨٩ نهار ابيض ولا حتى ١٧٨٠ سلامه او نهار ابيض او ٥٠٠ اهلا وسهلا . وفي الشكر لا نزيد عن ١٠٠٠ فنقول ١٠٠٠شكر كما كان يردد محمود الخطيب في حفل اعتزاله ولم يقل مليون شكر مثلا .

وعند السب والقذف يظهر الرقم (٦٠) ليكون هو الرقم الرسمي في ذلك فيقال فلان ابن ٦٠ كلب، ولا يجوز ابن ٤٠ كلب مثلا، او ابن ١٠٠٠ كلب على سبيل زيادة السب، واذا اردنا زيادة السب فما علينا سوى استخدام ال ٦٠ ثم ضربها في ٧٠ فيقال هو ابن ٦٠ في ٧٠ وليس في ٨٠ او ٩٠ لان ذلك يبطل مفعول السب ! . ويكون الرقم ٦٠ لوصف العدد اللازم لما يصيب الانسان المؤذي من مصائب ودواهي فيقال: اهو غار في ٦٠ دهيه او فلان هيروح في ٦٠ دهيه لإنسان قد يتعرض لكارثة حكومية وطبعا مفيش ٢٠ دهيه ولا حتى غار في ٩٠٠ دهيه . ويستخدم رقم (٣٠) حصريا لوصف شخص او شيء عديم المنفعة..( ده واد مالهوش "٣٠" لزمة) (خرجت خروجة مالهاش "٣٠" لزمة)

ويستخدم رقم (٧) في وصف حاجة غريبة جدا، وهي اللوصة او الانهاك المحير.(ده انا دوخت ال(٧) دوخات لحد ما لقيتك!)-كما يستخدم رقم (٧) للتعبير عن النوم العميق.! (ده شكله رايح في "سابع" نومة)..على اساس انه لو في سادس نومة كان قام عادي .أما الرقم ( ٥).. فهو وحدة قياس فضفاضة جدا، وتعني في العامية المصرية (خمس دقايق)، وتستخدم في وصف الانتظار احيانا.. (استناني (٥)او في وصف حوار سريع..(هاكلمك (٥)..أو لوصف الاستراحة..

(اقعد (٥) بس خد نفسك) .وفي وصف الوقت.. الثانية بتبقي (واحدة)..(ثانية "واحدة" بس البس الجزمة وانزللك)بس الدقيقة تحتمل (١) و(٢) و(٣)..(دقيقة "واحدة" وهابقي معاك)...او.. (اديني "دقيقتين" وهابقي معاك)..او..(انا هاشرحلك كل حاجة بالظبط في "٣" دقايق) . واطول مدة زمنية في الكون هي (الساعتين الاتنين)..(قعدت تحكي لي "ساعتين" عن ابنها اللي بدأ يسنن !)بينما اقصر كلام هو اللي يتقال في(كلمتين اتنين)-(هما "كلمتين" ورد غطاهم).

-الشخص المحتاس ده بقي اللي تلاقيه قاعد (يضرب اخماس في اسداس)..

ودي بالنسبة لي عملية معقدة جدا جدا.-واللي مالوش عند حد حاجة.. محدش يقدر يقول له (تلت التلاتة كام؟)اللي هو (١) عادي!محدش يقدر يقول له (١) ليه مش فاهم؟

الانسان المؤذي من مصائب ودواهي فيقال: اهو غار في ٦٠ دهيه او فلان هيروح في ٦٠ دهيه لإنسان قد يتعرض لكارثة حكومية وطبعا مفيش ٢٠ دهيه ولا حتى غار في ٩٠٠ دهيه . ويستخدم رقم (٣٠) حصريا لوصف شخص او شيء عديم المنفعة..( ده واد مالهوش "٣٠" لزمة) (خرجت خروجة مالهاش "٣٠" لزمة)

ويستخدم رقم (٧) في وصف حاجة غريبة جدا، وهي اللوصة او الانهاك المحير.(ده انا دوخت ال(٧) دوخات لحد ما لقيتك!)-كما يستخدم رقم (٧) للتعبير عن النوم العميق.! (ده شكله رايح في "سابع" نومة)..على اساس انه لو في سادس نومة كان قام عادي .أما الرقم ( ٥).. فهو وحدة قياس فضفاضة جدا، وتعني في العامية المصرية (خمس دقايق)، وتستخدم في وصف الانتظار احيانا.. (استناني (٥)او في وصف حوار سريع..(هاكلمك (٥)..أو لوصف الاستراحة..

(اقعد (٥) بس خد نفسك) .وفي وصف الوقت.. الثانية بتبقي (واحدة)..(ثانية "واحدة" بس البس الجزمة وانزللك)بس الدقيقة تحتمل (١) و(٢) و(٣)..(دقيقة "واحدة" وهابقي معاك)...او.. (اديني "دقيقتين" وهابقي معاك)..او..(انا هاشرحلك كل حاجة بالظبط في "٣" دقايق) . واطول مدة زمنية في الكون هي (الساعتين الاتنين)..(قعدت تحكي لي "ساعتين" عن ابنها اللي بدأ يسنن !)بينما اقصر كلام هو اللي يتقال في(كلمتين اتنين)-(هما "كلمتين" ورد غطاهم).

-الشخص المحتاس ده بقي اللي تلاقيه قاعد (يضرب اخماس في اسداس)..

ودي بالنسبة لي عملية معقدة جدا جدا.-واللي مالوش عند حد حاجة.. محدش يقدر يقول له (تلت التلاتة كام؟)اللي هو (١) عادي!محدش يقدر يقول له (١) ليه مش فاهم؟

موضوعات متعلقة

أسعار العملات

متوسط أسعار السوق بالجنيه المصرى03 أبريل 2025

العملة شراء بيع
دولار أمريكى 50.5474 50.6474
يورو 56.0571 56.1731
جنيه إسترلينى 66.5103 66.6723
فرنك سويسرى 58.7829 58.9403
100 ين يابانى 34.6168 34.6876
ريال سعودى 13.4739 13.5013
دينار كويتى 164.3605 164.7392
درهم اماراتى 13.7604 13.7899
اليوان الصينى 6.9257 6.9409

أسعار الذهب

متوسط سعر الذهب اليوم بالصاغة بالجنيه المصري
الوحدة والعيار سعر البيع سعر الشراء بالدولار الأمريكي
سعر ذهب 24 5051 جنيه 5029 جنيه $100.11
سعر ذهب 22 4630 جنيه 4610 جنيه $91.77
سعر ذهب 21 4420 جنيه 4400 جنيه $87.60
سعر ذهب 18 3789 جنيه 3771 جنيه $75.08
سعر ذهب 14 2947 جنيه 2933 جنيه $58.40
سعر ذهب 12 2526 جنيه 2514 جنيه $50.06
سعر الأونصة 157117 جنيه 156406 جنيه $3113.83
الجنيه الذهب 35360 جنيه 35200 جنيه $700.78
الأونصة بالدولار 3113.83 دولار
سعر الذهب بمحلات الصاغة تختلف بين منطقة وأخرى