«إيمان السيد» تروى موقف إنساني جمعها بـ«ياسمين عبد العزيز»
حملة تضامن كبيرة من الفنانين ورواد السوشيال ميديا مع الفنانة ياسمين عبد العزيز، وروت الفنانة إيمان السيد موقف لياسمين عبد العزيز عند إصابتها بكورونا.
وقالت إيمان السيد عبر حسابها على الفيس بوك :"ياسمين لما جاتلها كورونا في رمضان وكنت بكلمها وكانت صايمة، قلت لها انتي تعبانة وبتاخدي علاج وإن الله يحب أن تؤتى رخصه، وانتي محتاجة تاكلي كويس عشان جسمك يقدر يقاوم الفيروس، وبرضوا كانت مترددة إنها تفطر، وقلت لها كمان إنها لازم تغير كيس المخدة كل يوم عشان الحِمل الفيروسي، فقالت لي مش قادرة والله أعمل كدا من التعب".
وتابعت:" قلت لها طيب ينفع حد يساعدك، قالت لي لأ حرام ما ارضاش ادخل حد من الناس اللي عندي في البيت الأوضة عشان ماحدش يتعِدِي، ودة مش غريب على ياسمين، انا دخلت بيتها وشوفتها بتعامل الناس اللي معاها إزاي لإنها بنت أصول، ربنا يتم شفائها على خير ويجعل تعبها في ميزان حسناتها ويجعل دعاء الناس ليها من نصيبها وترجع بيتها بألف سلامة يارب، ويشفيها ويشفي كل مريض."
وكان قد كشف وائل عبدالعزيز شقيق ياسمين عبد العزيز، عن قيام الرئيس عبدالفتاح السيسي بإرسال فريق طبي لمتابعة الحالة الصحية لشقيقته.
وكتب وائل عبر صفحته الرسمية بموقع فيسبوك: "نشكر سيادة رئيس الجمهورية السيد عبد الفتاح السيسي والد كل المصريين، على إرسال فريق طبي متكامل لمتابعة الحالة والإشراف على أطباء إجراء العملية، آملين من الله- عز وجل- الشفاء العاجل لبنتنا، دعواتكم في يوم عرفة جزاكم الله خيرا".