الاعلامية تقى نور الدين تكتب - ناس وناس
كتير بتجمعنا بناس ظروف بتقربنا وتخلينا نحتاجلهم وهما يحتاجولنا ، لكن مع الوقت والمواقف بيبان مين عرفك وحبك لشخصك ومين كان قاصد من وراء معرفتك المصلحة وكانت عينه على الأهداف اللي هيحققها من وراك والمكاسب ، ناس كتير بتعرفنا وتحبنا وتتعامل معانا لشخصنا ووجودنا في حياتهم بيفرق ومهما تكون الاستفادة من ورا وجودهم معانا ولا بيفرق معاهم غير يطمنوا اننا بخير ومبسوطين ، وناس تانية تكون موجودة حوالينا عشان يستفيدوا ، دول اللي بنسميهم بتوع مصلحتهم ، وصدقني هيختفوا أول ما مصلحتهم تنتهي وتخلص مش هتلاقيهم ، الناس دي لو ربنا كشفهم ليك اتأكد إنه بيحبك إنه بعدك عنهم ووراك نواياهم ناحيتك ، وكفاية إنه نجاك من شباكهم وخلاك تفهم إن وجودهم معاك كان بدافع المصلحة .. أو ليهم من وجودك في حياتهم مآرب أخرى وأهداف لغير وجه الله أو الصداقة أو المحبة الخالصة . اتعاملت معاهم إزاي أصحاب المصلحة لما عرفت واكتشفت إنهم عرفوك عشان مصلحتهم ، و إزاي قادر تطرد أي شخص مزيف من حياتك أول ما تحس إن نواياه ناحيتك مش خير
